སྐྱོན་བརྗོད་ཀྱི་བསམ་གཞིག།
དུས་ལྟར་བརྒྱུད་འཁྲིན་མར་ཕབ་ཀྱི་ བསམ་ཞིབ་ཐོ་བཀོད་འབད་མི་དང་ སློབ་ཁང་ནང་ལུ་བློ་ལྡོག་རྣམས་བཞི་(ཀུན་བཟང་བླ་མའི་ཞལ་ལུང) ལྷབ་ནི་འདི་གིས་ ང་རའི་རྒྱུད་ལུ་ ལུས་ངག་ཡིད་གསུམ་གྱི་འགྱུར་བ་ དུམ་གྲ་ཅིག་འབྱུང་སྟེ་ཡོད་ལགས། ཉིན་ལྟར་བཞིན་དུ་ བརྒྱུད་འཕྲིན་ལག་ལེན་འཐབ་ནི་ མར་ཐབ་འབད་མི་འདི་གིས་གཞན་ དོན་ཡོད་པའི་ལཱ་འབད་ནི་ དུས་ཚོད་མང་སུ་སྦེ་ འཐོབ་ཡོད་ལགས། དེ་མ་ཚད་ དུས་རྒྱུན་བསམ་ཞིབ་འདི་ ཐོ་བཀོད་པའི་སྐབས་སུ་ ང་རའི་ དོན་ཡོད་པའི་ལཱ་འབད་ཚུགསཔ་ཡོདཔ་ཤེས་ཚུགསཔ་ལས་ དཔའ་རྔམ་སྦོམ་འབྱུང་མས་ལགས། སློབ་ཁང་ནང་ལུ་ དཔེ་ཆའི་དོན་ཚན་ཚུ་ཡང་ ནང་ཆོས་ཀྱི་གཞུང་ངོ་མ་ཚུ་ཨིནམ་ལས་ སྙིང་པོ་ཡོད་པའི་ཡོན་ཏན་མ་འདྲཝ་ཚུ་ འཐོབ་ཚུགས་ཅི་ལགས། དོན་ཚན་ཚུ་ཡང་ དལ་འབྱོར་རྙིད་དཀའ་དང་ ཚེ་མི་རྟག་པ། ལས་རྒྱུ་འབྲས་དང་ འཁོར་བའི་ཉིས་དམིགས་ཚུ་སྟོད་ཡི་ལགས། དེ་འབདཝ་ལས་ དམ་པའི་ཆོས་ལུ་ཡང་ སྔར་བ་ཡང་ལྷག་པའི་ དད་པ་དང་ཡིད་ཆེས་ཚུ་ བསྐྱེད་ཚུགས་ཅི་ལགས། ཚེ་ད་ལྟོ་འཐོབ་པའི་ མི་ལུས་རིན་པོ་ཆེ་འདི་ ཐོབ་པར་གནམ་མེད་ས་མེད་ལཱ་ཁག་ཡོད་པའི་གུ་ སྐྱེས་བའི་ཐ་མ་ འཆི་བ་ཟེར་ མི་རྟག་པའི་རང་བཞིན་ཅིག་ཨིན་པ་བརྟེན། རྒྱལ་བ་དང་དཀར་པོའི་ལཱ་ ད...